波士仔相信大家都有做過MBTI 16型性格測試，而每一類型人格都有佢地適合嘅職位同佢地適合食嘅水果^_^

今日波士仔就同大家一次過介紹下係辦公室入面有邊16型性，而且睇下佢地相對應嘅職位適合食啲咩水果啦>V<

行事非常果斷同直接，係作為一個經理必要嘅條件。可惜佢地都非常固執同硬頸，係一個好傳統嘅人。

唔係個個人都會頂得順佢嘅味道，而且佢有個生人勿近嘅外表，一睇就知唔好對付。但係食過嘅人就會明白佢特別嘅內在，都唔係真係禁難頂姐。

作為未來職場新鮮人，佢地非常活躍想解決問題，同時又會爆到好多原創嘅意見。但係過於冒險嘅精神成日都令到其他同事頭都大埋，而且缺乏宏觀嘅考慮要人地執手尾。

嚟自熱帶地區嘅水果象徵無限嘅熱情同活力，又甜又多汁。不過要佢地好易受傷，撞一撞就會瘀，畢竟都仲係新鮮，要好好愛錫佢地喔。

佢地係公司就好似天使一樣非常熱愛幫助同照顧有需要嘅同事。可惜總是心太軟，唔識得拒絕人地嘅要求，令到自己好大壓力。

蘋果係一年四季都有嘅水果，驟眼睇非常普通，周圍都係。但係其實蘋果係温和嘅水果，老少咸宜。而且平凡是福，夠普通先可以係一個爾虞我詐嘅地方生存。

非常之樂觀開朗，獨特嘅幽默感會令到身邊嘅同事好中意同佢地傾偈。不過佢地翻工放工都自由自在，完全不會願意遵守規矩同提前計劃好晒啲野，共事要有心理準備喔。

酸酸甜甜嘅橙一定會比到大家清新爽朗嘅夏日氣息，無論係咩食物都好，加左橙都可以提升口感，真係好少人會討厭佢地。

天生嘅指揮家同領導者，係公司嘅天選之人。正因為咁，一些都不易妥協而且非常難接近。

有一個帶刺嘅外殼，而且切開左都仲要處理好耐先食得。只要處理得好就可以食到香甜多汁嘅果肉，但係處理得唔好隨時都可能會引發過敏反應，要小心喔。

轉數快過火箭，口水多過浪花，非常聰明而且思路敏捷，所以為人十分有趣同好有領袖魅力。不過開會嘅時候千祈唔好同佢作對，會好易爆發衝突，而且你唔會夠講。

既然係一個好奇寶寶，就緊係要食奇異果。佢味道甜而且獨特，外面係啡色纖維狀嘅果皮，但入面嘅果肉居然係鮮綠色，咁難捉摸仲唔係你嘅專屬水果。

職場社交能手，同每一個同事關係都非常好，會好熱情同唔同人打開話題。不過極需人地嘅認同，所以好易因為其他人而犧牲左自己。

西瓜係像徵夏天充滿活力嘅水果，又甜又多汁，人人都中意食。而佢嘅水份比例最高係水果之最，無論你係想買嚟自己補補水定係買嚟同同事一齊吹水都非常合適。

佢地擁有強勁嘅社交能力又可以獨立處事，係一個團體入面不可缺少嘅大腦，可以激勵到每一個人。不過佢地疑心比較重同情緒化，有咩一開始就要講清楚，唔係好易出事。

外形有趣而且香甜多汁，未切開都已經非常吸引，係任何人都好難抗拒嘅水果。但是佢好易會瘀，仲會瘀出面，會將傷口表現比大家睇。

對細節一絲不苟，出糧嘅時候一蚊都唔會出錯。非常遵守紀律，敢於承認自己嘅錯誤，但好少表達自己的情緒。

佢食落冇咩味道，非常普通平淡，但係營養價值非常高，而且有好多好處。食一個就可以滿足身體好多健康需要，不過食太多會有腸胃消化問題，好適合遵守紀律嘅你。

係辦公室比較安靜嘅一分子，最擅長落手落腳解決問題，叫佢地做野都唔會托手踭。可惜做野唔會理人感受，好容易唔小心就同人地有口角或者比人嬲左都唔知。

藍莓是一樣好東西，佢係護眼恩物，對於長期要對住電腦嘅你非常適合。同時佢都係抗氧化之鬼，幫助身體保持青春、預防老化，對於日日都要OT嘅你…嗯食多啲。

唔洗驚，ISFJ係大廳，雖然佢地唔太善於交際，但一定會好照顧大家嘅好同事。但係唔好成日逼佢地去做啲新項目，好易會死機。

本身嚟自熱帶地區，所以食椰子成日都比人一種好清新嘅感覺。而且椰子用途多變，可以佢嘅果汁同果肉都可以製成各式各樣嘅食品同用具，真正照顧所有人嘅需要。

佢地經常會活係自己嘅世界，好難先會同到大家交流。不過佢地擁有勁強嘅美感同藝術細胞，如果有設計項目交比佢地，相相佢自己一個做會比一班人一齊做效果更好。

佢係一個非常獨特嘅水果，要係冬天先會食到當造嘅車厘子，而且好少人會混合其他水果一齊食，要獨自美麗先好食～

作為公司嘅顧問，具有過人嘅智慧同非一般嘅洞察力。可惜係一個完美主義者，一聲下令，大家可以帶定帳篷翻公司過夜。

大多數時候都係以配料或者調味料姿態出現，好少單獨食用。大家可能覺得冇咗佢好似冇咩所謂，一但有事需要佢絕對會令成件事風味大增。

有好強嘅邏輯推理能力，開會一定會搵到問題重點，一針見血，再快速搵到解決方法，係一個好可靠嘅同事。但係佢地有時會自我短路，今天的我打到昨天的我，所有唔好咁快聽佢地決定做野，唔係可能要砍掉重練。

火龍果含有豐富膳食纖維，對促進腸胃蠕動同改善便秘非常有效。所以得閒要食多幾個，咁就唔會成日自己谷住谷住諗唔通，排晒出嚟咪幾好～

佢地係心思細密，善解人意，係大家嘅好樹窿。而且佢地嘅創作力量同幻想真係唔可以睇少，雖然成日會諗到好多主意，但係係一個完美主義者，好易忽視左現實嘅可行性。

荔枝係一種好甜好吸引嘅水果，所以一到佢嘅產季就會有好多人爭住買為博紅塵妃子笑。但係好食還好食，唔好忽視左佢好燥熱嘅特性，隨時火都嚟。

佢地係辦公室與世無爭，只會對自己嘅創作有興趣，會每一個同事都非常誠懇而且做野唔怕蝕底。不過因為冇咩機心，好易比人恰到上心口都唔知。

多數都會同唔同嘅甜品一齊夢幻登場，由於體積細而且所有核同種子都生晒上表面，非常容易食用，所以真係比人食左都唔知咩事。

辦公室有咁多種人，唔知買咩好先啱同事？唔緊要！Office Omabose幫到你！我地提供訂購環球新鮮水果到辦公室, 亦提供鮮榨果汁、果盒、果乾、果籃送貨服務。分唔同人數同budget，將水果帶入你公司pantry! 想知更多可以係呢到睇下:

https://www.fruttiboz.com/pages/office-omabose

都可能直接係下面訂購~

記得Follow我哋IG, FB，我哋每個禮拜都會update大家最新資訊～

IG: https://www.instagram.com/fruttiboz/

FB: https://www.facebook.com/FruttiBoz

如果仲有其他野想問，WhatsApp搵我哋啦！：+852 6290 8171

波士仔二三事，我哋下次再見啦👋

#水果盒子 #fruttiboz #波士仔 #打開無憂果生活 #波士BB #四大無憂 #有壞包換 #送貨上門 #職場 #16型人格 #MBTI #officefruit #pantryfruit #辦公室水果 #辦公室發辦