Your Shopping Cart is empty.
{{ (item.variation.media ? item.variation.media.alt_translations : item.product.cover_media.alt_translations) | translateModel }} {{ (item.variation.media
                    ? item.variation.media.alt_translations
                    : item.product.cover_media.alt_translations) | translateModel
                }}
{{ 'product.bundled_products.label' | translate }}
{{ 'product.bundle_group_products.label' | translate }}
{{ 'product.buyandget.label' | translate }}
{{ 'product.gift.label' | translate }}
{{ 'product.addon_products.label' | translate }}
{{item.product.title_translations|translateModel}}
{{ field.name_translations | translateModel }}
  • {{ childProduct.title_translations | translateModel }}

    {{ getChildVariationShorthand(childProduct.child_variation) }}

  • {{ getSelectedItemDetail(selectedChildProduct, item).childProductName }} x {{ selectedChildProduct.quantity || 1 }}

    {{ getSelectedItemDetail(selectedChildProduct, item).childVariationName }}

{{item.variation.name}}
{{item.quantity}}x HK$0 {{ item.unit_point }} Point
{{addonItem.product.cover_media.alt_translations | translateModel}}
{{ 'product.addon_products.label' | translate }}
{{addonItem.product.title_translations|translateModel}}
{{addonItem.quantity}}x {{ mainConfig.merchantData.base_currency.alternate_symbol + "0" }}

[波士仔之日常大小事] Office 16型人格

波士仔相信大家都有做過MBTI 16型性格測試,而每一類型人格都有佢地適合嘅職位同佢地適合食嘅水果^_^

今日波士仔就同大家一次過介紹下係辦公室入面有邊16型性,而且睇下佢地相對應嘅職位適合食啲咩水果啦>V<

ESTJ職場監督者(總經理)

行事非常果斷同直接,係作為一個經理必要嘅條件。可惜佢地都非常固執同硬頸,係一個好傳統嘅人。

推薦水果——榴槤

唔係個個人都會頂得順佢嘅味道,而且佢有個生人勿近嘅外表,一睇就知唔好對付。但係食過嘅人就會明白佢特別嘅內在,都唔係真係禁難頂姐。

ESTP職場挑戰者(實習生)

作為未來職場新鮮人,佢地非常活躍想解決問題,同時又會爆到好多原創嘅意見。但係過於冒險嘅精神成日都令到其他同事頭都大埋,而且缺乏宏觀嘅考慮要人地執手尾。

推薦水果——芒果

嚟自熱帶地區嘅水果象徵無限嘅熱情同活力,又甜又多汁。不過要佢地好易受傷,撞一撞就會瘀,畢竟都仲係新鮮,要好好愛錫佢地喔。

ESFJ職場供給者(行政助理)

佢地係公司就好似天使一樣非常熱愛幫助同照顧有需要嘅同事。可惜總是心太軟,唔識得拒絕人地嘅要求,令到自己好大壓力。

推薦水果——蘋果

蘋果係一年四季都有嘅水果,驟眼睇非常普通,周圍都係。但係其實蘋果係温和嘅水果,老少咸宜。而且平凡是福,夠普通先可以係一個爾虞我詐嘅地方生存。

ESFP職場表演者 (活動策劃)

非常之樂觀開朗,獨特嘅幽默感會令到身邊嘅同事好中意同佢地傾偈。不過佢地翻工放工都自由自在,完全不會願意遵守規矩同提前計劃好晒啲野,共事要有心理準備喔。

推薦水果——橙

酸酸甜甜嘅橙一定會比到大家清新爽朗嘅夏日氣息,無論係咩食物都好,加左橙都可以提升口感,真係好少人會討厭佢地。

ENTJ職場指揮官(老闆)

天生嘅指揮家同領導者,係公司嘅天選之人。正因為咁,一些都不易妥協而且非常難接近。

推薦水果——菠蘿

有一個帶刺嘅外殼,而且切開左都仲要處理好耐先食得。只要處理得好就可以食到香甜多汁嘅果肉,但係處理得唔好隨時都可能會引發過敏反應,要小心喔。

ENTP職場辯論家(創意主任)

轉數快過火箭,口水多過浪花,非常聰明而且思路敏捷,所以為人十分有趣同好有領袖魅力。不過開會嘅時候千祈唔好同佢作對,會好易爆發衝突,而且你唔會夠講。

推薦水果——奇異果

既然係一個好奇寶寶,就緊係要食奇異果。佢味道甜而且獨特,外面係啡色纖維狀嘅果皮,但入面嘅果肉居然係鮮綠色,咁難捉摸仲唔係你嘅專屬水果。

ENFJ職場教育家(公關)

職場社交能手,同每一個同事關係都非常好,會好熱情同唔同人打開話題。不過極需人地嘅認同,所以好易因為其他人而犧牲左自己。

推薦水果——西瓜

西瓜係像徵夏天充滿活力嘅水果,又甜又多汁,人人都中意食。而佢嘅水份比例最高係水果之最,無論你係想買嚟自己補補水定係買嚟同同事一齊吹水都非常合適。

ENFP職場奮鬥家 (編輯)

佢地擁有強勁嘅社交能力又可以獨立處事,係一個團體入面不可缺少嘅大腦,可以激勵到每一個人。不過佢地疑心比較重同情緒化,有咩一開始就要講清楚,唔係好易出事。

推薦水果——桃

外形有趣而且香甜多汁,未切開都已經非常吸引,係任何人都好難抗拒嘅水果。但是佢好易會瘀,仲會瘀出面,會將傷口表現比大家睇。

ISTJ職場刑警(會計師)

對細節一絲不苟,出糧嘅時候一蚊都唔會出錯。非常遵守紀律,敢於承認自己嘅錯誤,但好少表達自己的情緒。

推薦水果——牛油果

佢食落冇咩味道,非常普通平淡,但係營養價值非常高,而且有好多好處。食一個就可以滿足身體好多健康需要,不過食太多會有腸胃消化問題,好適合遵守紀律嘅你。

ISTP職場鑒賞家(電腦程式員)

係辦公室比較安靜嘅一分子,最擅長落手落腳解決問題,叫佢地做野都唔會托手踭。可惜做野唔會理人感受,好容易唔小心就同人地有口角或者比人嬲左都唔知。

推薦水果——藍莓

藍莓是一樣好東西,佢係護眼恩物,對於長期要對住電腦嘅你非常適合。同時佢都係抗氧化之鬼,幫助身體保持青春、預防老化,對於日日都要OT嘅你…嗯食多啲。

ISFJ職場守衛者(秘書)

唔洗驚,ISFJ係大廳,雖然佢地唔太善於交際,但一定會好照顧大家嘅好同事。但係唔好成日逼佢地去做啲新項目,好易會死機。

推薦水果——椰子

本身嚟自熱帶地區,所以食椰子成日都比人一種好清新嘅感覺。而且椰子用途多變,可以佢嘅果汁同果肉都可以製成各式各樣嘅食品同用具,真正照顧所有人嘅需要。

ISFP職場藝術家 (影片剪接師)

佢地經常會活係自己嘅世界,好難先會同到大家交流。不過佢地擁有勁強嘅美感同藝術細胞,如果有設計項目交比佢地,相相佢自己一個做會比一班人一齊做效果更好。

推薦水果——車厘子

佢係一個非常獨特嘅水果,要係冬天先會食到當造嘅車厘子,而且好少人會混合其他水果一齊食,要獨自美麗先好食~

INTJ職場策劃者(顧問)

作為公司嘅顧問,具有過人嘅智慧同非一般嘅洞察力。可惜係一個完美主義者,一聲下令,大家可以帶定帳篷翻公司過夜。

推薦水果——檸檬

大多數時候都係以配料或者調味料姿態出現,好少單獨食用。大家可能覺得冇咗佢好似冇咩所謂,一但有事需要佢絕對會令成件事風味大增。

INTP職場學者(數據分析師)

有好強嘅邏輯推理能力,開會一定會搵到問題重點,一針見血,再快速搵到解決方法,係一個好可靠嘅同事。但係佢地有時會自我短路,今天的我打到昨天的我,所有唔好咁快聽佢地決定做野,唔係可能要砍掉重練。

推薦水果——火龍果

火龍果含有豐富膳食纖維,對促進腸胃蠕動同改善便秘非常有效。所以得閒要食多幾個,咁就唔會成日自己谷住谷住諗唔通,排晒出嚟咪幾好~

INFJ職場提倡者(設計師)

佢地係心思細密,善解人意,係大家嘅好樹窿。而且佢地嘅創作力量同幻想真係唔可以睇少,雖然成日會諗到好多主意,但係係一個完美主義者,好易忽視左現實嘅可行性。

推薦水果——荔枝

荔枝係一種好甜好吸引嘅水果,所以一到佢嘅產季就會有好多人爭住買為博紅塵妃子笑。但係好食還好食,唔好忽視左佢好燥熱嘅特性,隨時火都嚟。

INFP職場調停者 (建築師)

佢地係辦公室與世無爭,只會對自己嘅創作有興趣,會每一個同事都非常誠懇而且做野唔怕蝕底。不過因為冇咩機心,好易比人恰到上心口都唔知。

推薦水果——士多啤梨

多數都會同唔同嘅甜品一齊夢幻登場,由於體積細而且所有核同種子都生晒上表面,非常容易食用,所以真係比人食左都唔知咩事。

辦公室有咁多種人,唔知買咩好先啱同事?唔緊要!Office Omabose幫到你!我地提供訂購環球新鮮水果到辦公室, 亦提供鮮榨果汁、果盒、果乾、果籃送貨服務。分唔同人數同budget,將水果帶入你公司pantry! 想知更多可以係呢到睇下:

https://www.fruttiboz.com/pages/office-omabose

都可能直接係下面訂購~

記得Follow我哋IG, FB,我哋每個禮拜都會update大家最新資訊~

IG: https://www.instagram.com/fruttiboz/

FB: https://www.facebook.com/FruttiBoz

如果仲有其他野想問,WhatsApp搵我哋啦!:+852 6290 8171

波士仔二三事,我哋下次再見啦👋

 

#水果盒子 #fruttiboz #波士仔 #打開無憂果生活 #波士BB #四大無憂 #有壞包換 #送貨上門 #職場 #16型人格 #MBTI #officefruit #pantryfruit #辦公室水果 #辦公室發辦