[波士仔時令精選] 中秋月餅食用攻略

中秋節，係一個可以放縱自己不停食野嘅節日。而且食得最多就緊係月餅啦！不過其實月餅卡路里都唔低，食得多又好易飽飽滯滯。今日就等波士仔同大家嚟個中秋月餅食用攻略！睇下邊款月餅最低卡，又有咩水果可以消滯解膩^_^

1. 蓮蓉月餅

蓮蓉月餅係一種最常見嘅傳統月餅。餡除了蓮蓉之外，通常都會加鹹蛋黃。最流行的是「雙黃蓮蓉月餅」。傳統係黃蓮蓉，蓮子無去衣，用黃糖做；而白蓮蓉就係去左衣嘅蓮子，用白糖做，色水比黃蓮蓉淺，而且蓮子味比較香。即使依家多左好多種類嘅月餅，但係都仲係有好多人中意食傳統雙黃白蓮蓉月餅，咁先夠中秋氣氛^o^不過要留意番，蓮蓉月餅嘅熱量係非常高，即使係低糖都唔代表係低卡路里㗎^_<

月餅款式	食用份量	每個營養成分				相等的跑步時間	相等的白飯數量
月餅款式	食用份量	熱量	總脂肪	飽和脂肪	糖	相等的跑步時間	相等的白飯數量
雙黃白蓮蓉月餅	1個 185克	760 千卡	41 克	8.5 克	60 克	88 分鐘	2.9碗
雙黃蓮蓉月餅	1個 185克	800 千卡	45 克	10 克	70 克	93 分鐘	3.1碗
低糖白蓮蓉月餅	1個 185克	820 千卡	45 克	10 克	5 克	95 分鐘	3.2碗

2. 奶黃月餅

奶黃月餅係由奶黃包演變而成嘅一種月餅。奶黃月餅的外皮同傳統月餅相似，但會使用奶黃作為餡料。奶黃主要以吉士粉、牛奶及雞蛋調配而成。但因為奶黃餡料嘅火候不易控制，很難焗好，所以奶黃月餅比傳統月餅細小。有啲奶黃月餅會係餡料中加入鹹蛋黃，而有啲就會將鹹蛋黃搞碎加入餡料變成流心奶黃月餅，真係好肥好好食，只可以之後跑多幾步TvT

月餅款式	食用份量	每個營養成分				相等的跑步時間	相等的白飯數量
月餅款式	食用份量	熱量	總脂肪	飽和脂肪	糖	相等的跑步時間	相等的白飯數量
迷你流心奶黃月餅	1個 100克	436 千卡	28.8 克	17.5 克	24.5 克	60分鐘	1.7碗

3. 冰皮月餅

冰皮月餅係一種不需要經過烤焗嘅新式月餅，但係一定要係低溫環境保存。月餅嘅外皮用糯米粉或者麵粉製成，餡料除左會有傳統蓮蓉之外，中間都會有水果蓉、奶黃等等，由於不洗烤焗，冰皮月餅嘅表面不洗搽油，仲可以加入唔同色素，做成好多顏色同味道嘅冰皮。不過係常溫下嘅冰皮月餅不易保存，必須保持係低溫冷藏，切開嘅月餅最好快啲食晒，一般唔可以放超過兩個鐘。不過點會放超過兩個鐘，放多過兩秒鐘都比人清晒啦Orz不過要留意!雖然冰皮月餅熱量唔高，但係糖份極高，唔好食禁多啦^_^

月餅款式	食用份量	每個營養成分				相等的跑步時間	相等的白飯數量
月餅款式	食用份量	熱量	總脂肪	飽和脂肪	糖	相等的跑步時間	相等的白飯數量
迷你冰皮月餅 (綠豆蓉)	1個 55克	210 千卡	11 克	2 克	13 克	24分鐘	0.8碗
冰皮月餅 (水果蓉)	1個 100克	316 千卡	13.9 克	4 克	21.1 克	30分鐘	1.2碗